Azərbaycan İtaliyanın istehsalı olan C-27J “Spartan” hərbi nəqliyyat və M-346 “Master” təlim-döyüş təyyarələrinə maraq göstərir.
Lent.az-ın verdiyi məlumata görə, bu barədə “AzeriDefence.com” saytının Paris Aviasiya Şousunda iştirak edən əməkdaşına İtaliyanın “Alenia Aermacchi” şirkətindən məlumat verilib.
İndiyədək bir neçə dəfə Azərbaycanın hərbi nümayəndə heyəti şirkətin test mərkəzində və İtaliya Hərbi Hava Qüvvələrində bu təyyarələrin sınaqlarında iştirak edib. Hər iki təyyarənin performansı yüksək qiymətləndirilib.
Azərbaycan nümayəndə heyəti ilə hazırda bu təyyarələrlə bağlı danışıqlar davam etdirilir. İtaliya şirkətindən hesab edirlər ki, təyyarələrin Azərbaycana satışında problem yoxdur. İtaliya bununla yanaşı hazırda Azərbaycanla müdafiə sahəsində bir sıra layihələr üzrə danışıqlar aparmaqdadır. İtaliyalı aviasiya mütəxəssislərinin fikrincə, hər iki təyyarə Azərbaycanın hərbi aviasiya parkının modernləşdirilməsi proqramı çərçivəsində uçuş heyətinin Qərb standartlarına malik təyyarələri öyrənməsində vacib rol oynaya bilər.
çap et