https://525.az/img/pics/medium/2024-02/301307_c4fdiv1vqa.jpg Çaparaq notlar - Firuz Mustafa yazır
https://525.az/img/pics/medium/2023-09/284652_pdttwsp03a.jpg "Sıfırı yeddinin yanından silin..." - Lətif Şüküroğlu yazır
https://525.az/img/pics/medium/2024-03/308247_oo9k2t4ndt.jpg Prezident Rəşad Məcidi təltif etdi
https://525.az/img/pics/medium/2024-03/308179_uqkco4683w.jpg Beynəlxalq və milli səviyyədə qeyd edilən Elm Günü
search
28 Mart 2024

Məmurlarla jurnalistlər futbol oynadılar

Məmurlarla jurnalistlər futbol oynadılar

Bu gün dövlət qulluqçuları və Parlament Jurnalistləri Birliyinin (PJB) üzvləri arasında Dünya Azərbaycanlıların Həmrəylik günü və Yeni İlə həsr olunmuş futbol matçı keçirilib.

525.az-ın məlumatına görə, Diasporla İş üzrə Dövlət Komitəsinin nümayəndələri, Milli Məclisin deputatlarından ibarət olan komanda ilə jurnalistlərdən ibarət olan komanda qarşılaşıb.

Gərgin mübarizə şəraitində keçən oyun 6:6 hesabı ilə başa çatıb.

Diasporla İş üzrə Dövlət Komitəsinin sədri Fuad Muradov oyundan sonra jurnalistlərə bildirib ki, bu gün -24 dekabr Prezident İlham Əliyevin ad günüdür.

“Stadionda gözəl əhval ruhiyyə var. Milli Məclisin Gənclər və İdman Komitəsinin, Diasporla İş üzrə Dövlət Komitəsinin, Parlament Jurnalistləri Birliyinin, “Neftçi” veteranlar klubunun nümayəndələri, jurnalistlər bu gün bura yığışmışık ki, bir dostluq görüşü həyata keçirək. Gördüyünüz kimi, çox yaxşı, mehriban, münasibət var. Ümumiyyətlə, Azərbaycanda idmanın inkişafı çox yüksək səviyyədədir. Biz çox şadıq ki, bizim jurnalistlərimiz, veteranlarımız, dövlət qulluqçularımız, Diaspor Komitəsinin də bütün tərkibi burda iştirak edir. Futbol meydançasında bizi izləyirlər. Son 20 ilə yaxın, xüsusilə də son 15 ildə həyata keçirilən islahatlar birbaşa Prezident İlham Əliyevin adı ilə bağlıdır. Qabaqdan bizim böyük uğurlarımız gəlir”.

Komitə sədri bildirib ki, yaxın zamanlarda möhtərəm cənab Prezidentin başçılığı altında belə oyunları Şuşada, Laçında, Kəlbəcərdə, Dağlıq Qarabağda həyata keçirəcəyik:

“Hamımız birlikdə bu gözəl bayramları orada qeyd edəcəyik. Bir daha böyük diqqətə görə, ictimaiyyətə, jurnalistlərimizə, veteranlarımıza təşəkkürümü bildirmək istiyirəm”.

“Bu gün də dövlət qulluqçuları və jurnalistlər arasında dostluq görüşü keçirilir. Bu dostluq görüşünün əsas məqsədi gəncləri sağlam həyat tərzinə çağırmaqdır. Bilirsiniz ki, ölkə başçısı İlham Əliyev hər zaman idmana, gənclər siyasətinə xüsusi diqqət ayırır, önəm verir.

Milli Məclisin Gənclər və idman komitəsinin sədri Ülvi Quliyev jurnalistlərə bildirib ki, ənənəvi olaraq hər zaman belə futbol yarışları təşkil edilir:

“Ölkəmizin başçısı hər zaman qeyd edir ki, Azərbaycan gənclərinin sağlam, bilikli, savadlı, peşəkar olması bizim əsas məqsədlərimizdəndir. Ölkəmizdə bu istiqamətdə də çox böyük işlər görülür, dövlət səviyyəsində tədbirlər keçirilir. Biz hər zaman ölkəmizin başçısının siyasətini dəstəkləyirik. Bu gündə o dəstəyi nümayiş etdirərək gənclərimizə sağlam həyat tərzinə dəvət edirik”.

Parlament Jurnalistlər Birliyinin sədri Elşad Eyvazlı deyib ki, Prezident İlham Əliyev hər zaman ad günlərini sadə insanlar arasında keçirib:

“Biz də sadə bir yolla Prezidentimizi təbrik etmək istədik. Onun Azərbaycanın inkişafı naminə gələcək işlərində uğurlar arzulayırıq. Bununla həm də bildirmək istəyirik ki, jurnalist olaraq hər zaman Prezidentimizin yanındayıq. Bu dostluq görüşünün əsas məqsədi gəncləri sağlam həyat tərzinə çağırmaqdır. Bilirsiniz ki, ölkə başçısı İlham Əliyev hər zaman idmana, gənclər siyasətinə xüsusi diqqət ayırır, önəm verir”.

Bölmənin digər xəbərləri
© 2012-2024 525.AZ Müəllif hüquqları qorunur.
Sayt Mozilla Firefox, Google Chrome, Opera və Internet Explorer ver. 7.x ilə tam dəstəklənir. Məlumatdan
istifadə etdikdə istinad mütləqdir.