Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevanın adından mərhum Həlimə Əliyevanın ailəsinə başsağlığı verilib.
APA-nın məlumatına görə, yas mərasimi ilə bağlı xərcləri Heydər Əliyev Fondu öz üzərinə göturub.
Xatırladaq ki, Azərbaycanın sabiq Prezidenti Əbülfəz Elçibəyin həyat yoldaşı Həlimə Əliyeva iyunun 14-də Türkiyənin İstanbul şəhərində vəfat edib. O, onkoloji xəstəlikdən əziyyət çəkirdi.
Mərhumun cənazəsi öz vəsiyyətinə uyğun olaraq, doğulduğu Naxçıvan MR-in Ordubad rayonunun Kələki kəndinə aparılaraq dəfn edilib.
Qeyd edək ki, bu gün, həmçinin, H. Əliyevanın dəfnində iştirak etmək istəyən yaxınlarının və cənazəsinin Naxçıvan MR-ə aparılması üçün AZAL vasitəsilə xüsusi reys də həyata keçirilib.
çap et