Rusiya və Türkiyə Müdafiə nazirləri İdlibi müzakirə ediblər

Rusiya və Türkiyə Müdafiə nazirləri Sergey Şoyqu və Hülusi Akar arasında telefon danışığı olub.

APA-nın Moskva müxbirinin Rusiya Müdafiə Nazirliyinin mətbuat xidmətinə istinadən verdiyi məlumata görə, nazirlər Suriyanın İdlib zonasında vəziyyətin sabitləşməsi məsələlərini müzakirə ediblər.

Bundan əlavə, telefon danışığı zamanı nazirlər Suriyadakı vəziyyət barədə fikir mübadiləsi aparıblar.