Bakı Beynəlxalq Multikulturalizm Mərkəzinin kollektivi koronavirusla mübarizə çərçivəsində Prezident İlham Əliyevin çağırışına dəstək olaraq Azərbaycanda fəaliyyət göstərən etnik icmaların yaşlı üzvlərinə maddi yardım aksiyası keçirib.
Bu barədə 525.az-a mərkəzdən məlumat verilib.
Bildirilib ki, martın 26-da Bakı Beynəlxalq Multikulturalizm Mərkəzinin əməkdaşları tərəfindən ölkəmizdə əsrlər boyu sülh və əmin-amanlıq şəraitində bir ailə kimi birgə yaşayan etnik qrupların yaşlı nümayəndələrinə, onların yaşadıqları mənzillərdə Mərkəzin maliyyə vəsaiti hesabına gündəlik təlabat vasitələri olan qida məhsullarından ibarət bağlamalar təqdim edilib.