Azərbaycan Dövlət Neft Şirkətinin (ARDNŞ) prezidenti Rövnəq Abdullayev və şirkətin rəhbər qrupu Londonda bp-nin prezidenti Bob Dadlinın başçılığı ilə şirkətin hasilat və axtarış-kəşfiyyat bölümünün icraçı qrupu ilə görüşüblər.
bp-nin mətbuat xidmətindən APA-ya verilən məlumata görə,
görüşdə Azərbaycan dövlətinin və Azəri-Çıraq-Günəşli (AÇG) tərəfdaşlarının mənafeyi üçün yatağın neft hasilatının idarə olunması məsələsində ARDNŞ və tərəfdaşlar qrupu ilə yaxından işləməyə davam edilməsi razılaşdırılıb.
Bob Dadli görüşün açıq və konstruktiv keçirildiyini deyib: “Bu, açıq və konstruktiv görüş idi və qarşıda duran tapşırıq aydındır. bp Azərbaycana və dünyanın ən böyük neft yataqlarından biri olan AÇG kompleksinin səmərəli idarə olunmasına tam sadiqdir”.
çap et