Buğda və un idxalı ƏDV-dən azad edilib

Azərbaycanda buğda və un idxalı əlavə dəyər vergisindən azad edilib.

Azərbaycanın baş naziri Artur Rasizadə «Azərbaycan Respublikasının ərazisinə gətirilən, əlavə dəyər vergisindən azad olunan malların siyahısı haqqında» Nazirlər Kabinetinin 2005-ci il 31 yanvar tarixli qərarına dəyişiklik edilməsi barədə qərar imzalayıb. «APA-ECONOMICS»in məlumatına görə, qərara əsasən, «Azərbaycan Respublikasının ərazisinə gətirilən, əlavə dəyər vergisindən azad olunan malların siyahısı haqqında» qərarın əlavəsinə «Buğda və meslin» və «Buğda unu və ya buğda-çovdar unu» sətirləri daxil edilir.

Beləliklə, həmin mallar ölkə ərazisinə gətirilərkən ƏDV-dən azad olunur. Bu qərar bir il müddətinə qüvvədədir və bu gündən qüvvəyə minib.