“Zen Film” (Azərbaycan) və “Alfeka” (Türkiyə) şirkətlərinin birgə istehsalı olan “Adam” filminin çəkilişləri başa çatıb.
525.az-ın məlumatına görə, film 1981-ci ildə Xəzər dənizinin yüksəlməsi nəticəsində adaya çevrilən Kürdilidə illərdir, tək yaşayan rus mənşəli azərbaycanlı Vitali Pronin haqqındadır.
Quruluşçu rejissoru Emil Əli, prodüserləri Qan Turalı (Zen Film) və Ali Araz (Alfeka), icraçı prodüsseri Fuad Cəfərov olan filmin çəkilişləri Neftçala rayonun Kürdili adasında, post-prodakşnı Türkiyədə həyata keçirilib.
Ekran əsərinin müxtəlif festivallarda nümayişi nəzərdə tutulub.
çap et