525.Az

Haftar Putinin Rusiyaya səfər dəvətini qəbul edib


 

Haftar Putinin Rusiyaya səfər dəvətini qəbul edib<b style="color:red"></b>

Liviya Milli Ordusunun (LMO) komandanı Xəlifə Haftar Rusiya Prezidenti Vladimir Putinin Moskvaya səfərlə bağlı dəvətini qəbul edib.

APA-nın Kremlin saytına istinadən verdiyi xəbərə görə, LMO-nun komandanı Vladimir Putinə məktub göndərib.

Rusiyanın Liviyada sülh və sabitliyin bərqərar edilməsi istiqamətində göstərdiyi səylərə görə Vladimir Putinə təşəkkür edən Xəlifə Haftar "Sizin Moskvada Liviyada sülhün əldə olunması üçün danışıqların keçirilməsi təşəbbüsünüzü tam dəstəkləyirəm. Başlayan dialoqa davam etmək üçün sizin Rusiya Federasiyasına səfər etmək dəvətinizi qəbul edirəm", deyə məktubunda qeyd edib.

Xatırladaq ki, yanvarın 13-də Moskvada Liviya münaqişəsinin nizamlanması ilə bağlı Rusiya və Türkiyə arasında “2+2” formatında görüş keçirilib. Türkiyənin Xarici İşlər naziri Mövlud Çavuşoğlu, Müdafiə naziri Hulusi Akar və Milli Kəşfiyyat Təşkilatının (MİT) rəhbəri Hakan Fidan həmin görüşdə iştirak etmək üçün Moskvaya səfər ediblər.

Görüşə Liviya Milli Razılıq Hökumətinin Baş Naziri Faiz Sərac və Liviya Milli Ordusunun (LMO) rəhbəri marşal Xəlifə Haftar da qatılıb.

Liviya Milli Ordusunun (LMO) rəhbəri Haftar Liviyanın Milli Razılıq Hökumətinin Baş Naziri Faiz Sarracla atəşkəs razılaşmasını imzalamadan Moskvadan ayrılıb.

 





17.01.2020    çap et  çap et