Gürcüstanda 10-cu çağırış parlament seçkilərinin ikinci raundu başa çatıb.
APA-nın yerli bürosu xəbər verir ki, saat 20:00-da seçki dairələrinin qapıları bağlanılıb və sayım prosesinə başlanılıb.
Gürcüstan Mərkəzi Seçki Komissiyasının (CESKO) məlumatına görə, saat 17:00-da seçki aktivliyi 20.74% faiz təşkil edib. Parlament seçkilərinin ikinci raundu 17 birmandatlı (majoritar) dairə üzrə keçirilib. Bunlardan 8-i Tbilisidə, 9-u isə regionlarda yerləşir.
Qeyd edək ki, Gürcüstanın 8 müxalif partiyası seçkiləri boykot edib və ilk raunda qazandığı mandatlarından imtina edib.
çap et