Mayın 26-dan 27-dək Türkiyənin Eskişehir Anadolu Universitetində Azərbaycan Xalq Cümhuriyyətinin 100 illiyi ilə bağlı beynəlxalq konqres keçirilib.
Eskişehir Azərbaycanlılar dərnəyi, Türk Dünyası Uyğulama və Araşdırma Mərkəzinin təşkilatçılığı ilə baş tutan tədbirdə Afyon Kocatəpə Universitetinin Turizm fakültəsinin tələbəsi, həmyerlimiz Aysel Əliyeva "Azərbaycanda turizm və ərəb turistlərinin Azərbaycan haqqında düşəncələri" mövzusunda məruzə ilə çıxış edib.
O, “525”ə açıqlamasında bildirib ki, konqresdə çıxış etmək üçün müsabiqə elan edilmişdi: "Təşkilatçılara 600 məqalə təqdim olunmuşdu. Onlardan yalnız 20-si tədbirdə çıxış etmək imkanı qazandı. Xoşbəxtəm ki, həmin məruzəçilərdən biri də mən oldum".
Universitetdə magistr dərəcəsində təhsil alan A.Əliyeva hazırda Konya, Afyon və Mersin şəhərlərində keçiriləcək beynəlxalq konfranslarda iştirak etmək üçün elmi məqalələr üzərində işləyir: "Gələcək planım doktoranturaya qəbul olunmaqdır. Öz peşəmi bütün incəliklərinə qədər bilmək, turizm sahəsində mütəxəssis olmaq istəyirəm. Bu yolda hər çətinliyin öhdəsindən gəlmək üçün əzm, iradə və bacarığımı səfərbər edəcəyəm".
CEYHUN
çap et