Dünən Azərbaycan Respublikasının gənclər və idman naziri Azad Rəhimov Lənkəran, Astara, Cəlilabad, Lerik, Masallı, Yardımlı şəhər və rayon sakinlərinin şikayət və müraciətlərini dinləyib.
Nazirlikdən verilən məlumata görə, Cəlilabad rayon Heydər Əliyev Mərkəzində baş tutan və ümumilikdə 20-ə yaxın vətəndaşın iştirak etdiyi qəbulda müraciətlər gənclər, idman və digər sahələri əhatə edib.
İdman sahəsi üzrə edilən müraciətlər sırasına fəxri adların verilməsi, idman mərkəzlərinin idman avadanlıqları ilə təmin olunması, yeni Olimpiya İdman Komplekslərinin, idman mərkəzlərinin tikintisi və təmiri, Uşaq Gənclər və İdman Mərkəzlərinin və bölmələrin yaradılması, idmançıların beynəlxalq yarışlarda iştirakı və digər mövzular daxil olub.
Gənclər Təşkilatlarının yaradılması, gənclərlə bağlı müxtəlif layihələrin maliyyələşdirilməsi, gənclərin beynəlxalq layihələrdə iştirakı, yay-qış istirahət düşərgələrinin təşkili, Gənclər Mərkəzlərinin müvafiq avadanlıqlarla təmin edilməsi və fəaliyyəti gənclər sahəsini əhatə edən müraciətlər olub.
Bir sıra müraciətlər yerindəcə həllini tapıb. Araşdırılması tələb edilən məsələlər isə aidiyyatı qurumlara göndərilməsi üçün nəzarətə götürülüb.
C.ABASOV
çap et