525.Az
“İbrahimbəyovun sənədlərinə 5 gün ərzində baxılacaq”
Azərbaycan Mərkəzi Seçki Komissiyası (MSK) Milli Şuranın Azərbaycan Prezidentliyinə namizədi Rüstəm İbrahimbəyovun sənədlərini qəbul edib.
Bunu APA-ya açıqlamasında MSK-nın sədr müavini Natiq Məmmədov bildirib.
O qeyd edib ki, qanunvericiliyə uyğun olaraq bütün namizədlərin sənədləri kimi bu sənədlərə də qəbul olunduqdan sonra 5 gün ərzində baxılaraq müvafiq qərar qəbul olunacaq: “Bizdə qanunvericilik belədir ki, istənilən namizəd üçün namizədliyin irəli sürülməsinin təsdiq olunmasına 5 gün müddətində baxılır və müvafiq qərar qəbul olunur. İkinci mərhələdə - imza vərəqələri doldurularaq təqdim olunduqdan sonra isə namizədliyin qeydə alınmasına 7 gün ərzində baxılır və müvafiq qərar qəbul olunur”.
N. Məmmədli bu məsələ ilə bağlı bəzi KİV-də onun adından yayılan məlumatları təkzib edib: “Mən heç bir media orqanına Rüstəm İbrahimbəyovun sənədləri ilə bağlı açıqlama verməmişəm”.
22.08.2013 
çap et