Biləsuvar rayonunda sərnişin daşıyan mikroavtobusla “Jiquli” toqquşub.
ANS PRESS–in bölgə müxbirinin verdiyi məlumata görə, hadisə Ələt-Astara magistral yolunun Biləsuvar rayonunun Əsgərabad kəndi ərazisindən keçən hissəsində baş verib.
Belə ki, sərnişinlə dolu olan “Ford” markalı mikroavtobus Bakı istiqamətində hərəkətdə olan “VAZ-2107” markalı minik avtomobili ilə toqquşub. Qəza zamanı bir nəfər sərnişinin xəsarət aldığı bildirilir.
Faktla bağlı araşdırma aparılır.
çap et