“Möhtəşəm Yüzil” serialında baş rolda iştirak edən Halit Ergenç Özbəkistanın Mədəniyyət və Sənət Fondu tərəfindən təşkil olunan “Art Week-2012” sənət həftəsini izləmək üçün prezident İslam Kərimov tərəfindən Daşkəndə dəvət olunub.
525.az-ın Türkiyə mətbuatına istinadən verdiyi məlumata görə, məşhur aktyor öncə Özbəkistan prezidenti İslam Kərimovun qızı Gülnarə Kərimovanın yaratdığı “Guli Design” adlı markanın nümayişində iştirak edib.Daha sonra Ergenç Gülnarə Kərimova ilə bir sıra mövzularda danışaraq Özbəkistanı çox sevdiyini ifadə edib.
Qeyd edək ki, Mədəniyyət və Sənət Fondu tərəfindən təşkil olunan sərgidə ölkələrarası Daşkənd film forumu, teatr festivalı, rəsm sərgisi və dünyanın bir çox məşhur modelyerlerinin sənət əsərləri nümayiş olunur.
Nigar Məhərrəm
çap et