Putin təyyarə qəzasında həlak olanların ailələrinə başsağlığı verdi

Rusiya Prezidenti Vladimir Putin “Şermetyevo” hava limanında baş vermiş qəza nəticəsində həlak olanların ailə üzvlərinə başsağlığı verib.

ONA “RİA Novosti”-yə istinadla xəbər verir ki, bu barədə Rusiya prezidentinin mətbuat katibi Dmitri Peskov bildirib: “Prezident Vladimir Putin məlum qəzada ölənlərin doğmalarına və yaxınlarına dərin hüznlə başsağlığı verir”.

Qeyd edək ki, Moskva-Murmansk reysilə hərəkətdə olan təyyarənin qəza enişi nəticəsində 13 nəfər ölüb, 6 nəfər yaralanıb. Təyyarədə 73 sərnişin, 5 ekipaj üzvü olub.