Bu gündən David Qareci məbədi ilə bağlı komissiyanın yaradılmasına başlanıb.
ONA-nın Gürcüstan bürosunun “interpressnews” saytına istinadən verdiyi məlumatına görə, bu barədə Gürcüstanın baş naziri Mamuka Baxtadze hökumətin iclasından əvvəl keçirdiyi brifinqdə bildirib.
O qeyd edib ki, artıq razılaşma əldə olunub və komissiyanın yaradılmasına start verilib.
"Azərbaycan bizə dost ölkədir. Biz strateji tərəfdaşıq. Məsələ də bu ruhda həll ediləcək", - deyə, baş nazir əlavə edib.
Komissiyanın Gürcüstan tərəfdən sədri bu ölkənin xarici işlər nazirinin müavini olacaq.