“Hər şeydən öncə hüquqi durum diqtə etsə, o da olacaq. Qərarı məhkəmə verəcək. Çünki vali öz hüquqlarını müdafiə etmək üçün məhkəməyə müraciət edəcək. Bir şəhərin rəhbərinə “it” deyilməsinin cəzası nədirsə, o cəza da veriləcək. Mən İstanbulun bələdiyyə sədriykən bir şeri oxuduğuma görə, məhkum olundum, vəzifəm əlimdən alındı və həbsdə yatdım. Ona görə bu təcrübəmə əsaslanıb, deyirəm ki, o adam dediyi ifadələrə görə məsuliyyət daşımalıdır”.
APA-nın Türkiyə bürosunun məlumatına görə, Türkiyə Prezidenti Rəcəb Tayyib Ərdoğan İstanbul Bələdiyyə sədrliyi seçimləri ilə əlaqədar teleaparıcıların suallarını cavablandırarkən, Ordu şəhər valisi ilə bələdiyyə sədrliyinə namizəd Əkrəm İmamoğlu arasında yaşanan münaqişə haqqında danışarkən bu fikrləri bildirib.
Ərdoğan bir prezident olaraq valinin hüquqlarını müdafiə edəcəyini vurğulayıb: “Mənim valimə edilən həqarətlərin sübutları ortadadır. O, seçilmiş olsa belə, həqarət cəzası bəlli bir müddəti keçərsə, bələdiyyə sədrliyi etibarsız olar”.
çap et