Soçidə Azərbaycan, Rusiya və İran dövlət başçılarının görüşü keçiriləcək

Azərbaycan Prezidenti İlham Əliyev, Rusiya Prezidenti Vladimir Putin və İran Prezidenti Həsən Ruhani avqustun 14-ü Rusiyada görüşəcəklər.

APA-nın İnterfaks-a istinadən verdiyi xəbərə görə, bu barədə Rusiya Federasiyası Federal Məclisi Federasiya Şurasının vitse-spikeri İlyas Umaxanov İran İslam məclisinin sədr müavini Məsud Pezeşkiyan ilə görüşü zamanı deyib.

İ. Umaxanov bildirib ki, dövlət başçılarının görüşü Soçidə baş tutacaq.