Ukraynanın yeni baş naziri hökumətin növbəti beş il üçün əsas hədəfini açıqladı

Ukraynanın yeni Baş naziri Aleksey Qonçaruk yeni hökumətin növbəti beş il üçün əsas hədəfini açıqlayıb.

APA-nın xəbərinə görə, bu barədə Baş nazir A.Qonçaruk “Twitter” səhifəsində yazıb.

“Hökumətimizin qarşıdakı beş il üçün əsas hədəfi iqtisadi artıma nail olmaqdır. Buna necə nail olacağımız barədə bizim aydın görüşümüz var və bu, Fəaliyyət Planında təqdim olunacaq”, - deyə, o qeyd edib.