Zelenski Trampın ona təzyiq göstərməsinə aydınlıq gətirdi

Ukrayna Prezidenti Vladimir Zelenski ABŞ Prezidenti Donald Trampın ona təzyiq göstərməsi ilə bağlı yayılan xəbərlərə münasibət bildirib.

APA-nın “RİA Novosti”yə istinadən verdiyi xəbərə görə, V. Zelenski bildirib ki, o, müstəqil Ukrayna dövlətinin Prezidentidir.

“Çətin ki, kimsə mənə təzyiq göstərə bilsin. Mənə yalnız bir nəfər təzyiq edə bilər, o da mənim oğlumdur”, - V. Zelenski vurğulayıb.

Qeyd edək ki, D. Trampın iyul ayında Ukrayna Prezidenti Vladimir Zelenski ilə telefon danışığı qalmaqala səbəb olub. Demokratlar düşünür ki, D. Tramp telefon danışığı zamanı V. Zelenskiyə təzyiq göstərərək rəsmi Kiyevdən Demokrat partiyasının üzvü, sabiq vitse-prezident Co Baydenin oğlu ilə bağlı araşdırma aparılmasını tələb edib.