525.Az

Ərdoğan: “ABŞ qırmızı bülletenlə axtarışda olan terrorçu Məzlumu Türkiyəyə təslim etməlidir”


 

Ərdoğan: “ABŞ qırmızı bülletenlə axtarışda olan terrorçu Məzlumu Türkiyəyə təslim etməlidir”<b style="color:red"></b>

“Məzlum kod adlı şəxs İnterpol xətti ilə qırmızı bülletenlə axtarışda olan terrorçudur. ABŞ-ın bu adamı bizə təslim etməsi lazımdır”.

APA-nın xəbərinə görə, bunu Türkiyə Prezidenti Rəcəb Tayyib Ərdoğan TRT-yə verdiyi müsahibəsində bildirib.

O deyib ki, ABŞ-la aralarında ittiham olunan cinayətkarların geri qaytarılması anlaşması var: “Çünki qırmızı büllütenlə axtarışın tələbi budur. Ədliyyə nazirinə də söylədim, onlar da lazım olan sənədləşmə ilə bu tələbdə olacaqlar. Bunun üçün çalışırıq”.

Qeyd edək ki, bir neçə gün öncə Suriyada terror təşkilatlarından biri olan Suriya Demokratik Güclərinin (SDG) başçısı general Məzlum Kobanidə atəşkəs üçün ABŞ Prezidenti Donald Trampa təşəkkür etmişdi. Tramp isə tvıtter hesabından “Səni yaxın bir zamanda görməyi səbirsizliklə gözləyəcəm”, deyə Məzluma qarşılıq vermişdi.

 





25.10.2019    çap et  çap et