"Azərkimya"nın istehsalat sahələrinin modernizasiyası bu ilin III rübündə başa çatacaq

SOCAR-ın "Azərkimya"  İstehsalat Birliyinin balansında olan istehsalat sahələrin modernizasiyası bu ilin III rübündə tam bitəcək.

"APA-Economics"in məlumatına görə, bu barədə jurnalistlərə "Etilen-Polietilen" zavodunun baş mühəndisin modernizasıya üzrə müavini Qədir Əliyev bildirib.

Onun sözlərinə görə, zavodda modernizasiyanın aktiv fazasına 2017-ci ildə başlanılıb.

"Modernizasiya çərçivəsində işlərinin 94%-i başa çatdırılıb. Artıq ilkin sazlama işlərinə başlanılıb", -  deyə Q. Əliyev qeyd edib.

Qeyd edək ki, "Etilen-Polietilen" zavodu 1989-cu ildən fəaliyyətdədir. Zavodun modernizasiyasının baş podradçısı "Technip" şirkətidir.