Bu gün Heydər Əliyev Sarayda mərhum xalq Artisti Mirzə Babayevin 100 illik yubiley gecəsi keçiriləcək. Modern.az-ın məlumatına görə, gecədə bir çox tanınmış elm və mədəniyyət xadimlərinin, incəsənət ustalarının iştirakı gözlənilir.
Mirzə Babayev 1913-cü il iyulun 16-da Bakıda dünyaya gəlib. Müğənnilik fəaliyyətinə 40-cı illərin əvvəlində görkəmli bəstəkar Tofiq Quliyevin rəhbərlik etdiyi caz orkestrində başlayıb. Azərbaycan Dövlət Konservatoriyasını bitirən Mirzə Babayev 30-dən artıq filmdə rol alıb, uzun illər Azərbaycan Dövlət Filarmoniyasında çalışıb. İki dəfə "Humay" mükafatı laureatı olmuşdur. 2003-ci il yanvarın 13-də, ömrünün 90-cı ilində vəfat edib.
çap et