Bakı Fond Birjasında (BFB) 2020-ci ilin yanvar-fevral ayları ərzində qiymətli kağızlar üzrə keçirilən əməliyyatların ümumi həcmi 1 095 765 094 manat təşkil edib.
BFB-dən "APA-Economics"ə verilən məlumata görə, ötən ilin analoji dövrü üzrə əməliyyatların həcmi 2 726 498 017 olub. Nəticədə, 2020-ci ilin yanvar-fevral ayları üzrə dövlət qiymətli kağızların (Mərkəzi Bank və Maliyyə Nazirliyi) ilkin bazarında yerləşdirmələrin həcmində ötən ilə nəzərən azalma müşahidə olunmasına baxmayaraq, ümumi təkrar bazar üzrə ticarət həcmində 174%, repo əməliyyatları üzrə isə 278% böyümə qeydə alınıb.
2020-ci ilin fevral ayının son ticarət günü üzrə BFB-nin kapitalizasiyası 3 828 174 818,02 manat təşkil edib.
çap et