“Suriyada atəşkəs ciddi nəzarətimizdə olacaq. Məqsədimiz Suriyada münaqişələrə son qoymaqdır”.
APA-nın yerli bürosunun xəbərinə görə, bunu Rusiyadan qayıdan Türkiyə prezidenti Rəcəb Tayyib Ərdoğan təyyarədə jurnalistlərin suallarını cavablandırarkən deyib.
“Rusiya ilə birlikdə Liviya məsələsində də atəşkəsə nail olacağımıza ümid edirəm”, - deyə Ərdoğan bildirib.
O, Rusiya ilə Türkiyənin əməkdaşlığının daha da inkişaf edəcəyini, Rusiya Prezidenti Vladimir Putini bu il Türkiyədə keçiriləcək Türkiyə-Rusiya Yüksək Səviyyəli Əməkdaşlıq Şurasının iclasına dəvət etdiyini də vurğulayıb.
Türkiyə Prezidenti Rusiyadan alınan S-400 zenit-raket kompleksinin aprel ayında işlək vəziyyətə gətiriləcəyini, habelə razılıq əldə olunacağı təqdirdə ABŞ–dan “Patriot”ların alına biləcəyini qeyd edib.
Ərdoğan bildirib ki, ABŞ Türkiyəyə sözdə deyil, əməldə dəstək olmalıdır.