525.Az

“Milli naxışlar-fortepiano üçün 10 konsert pyesi” hazırlanıb

Bəstəkarlar İttifaqında sənətşünaslıq namizədi, Üzeyir Hacıbəyli adına Bakı Musiqi Akademiyasının dosenti, bəstəkar Adilə Yusifovanın “Milli naxışlar-fortepiano üçün 10 konsert pyesi” məcmuəsinin təqdimatı keçirilib.

Tədbirdə Azərbaycan Bəstəkarlar İttifaqının sədri, Xalq artisti, professor Firəngiz Əlizadə çıxış edərək bildirib ki, toplu “Azərbaycanın bəstəkar və musiqişünas qadınları – xeyir və tərəqqi naminə” layihəsinin ilk nəşridir. Nəşrdə qadın bəstəkar Adilə Yusifovanın milli naxışlarımız, tətbiqi sənət nümunələrimiz və muğamlarımıza həsr etdiyi fortepiano üçün 10 konsert pyesi toplanıb. Mədəniyyət və Turizm Nazirliyinin dəstəyi ilə çap edilmiş nəşrin redaktoru Lalə Kazımovadır.

Tədbirdə bəstəkarın “Yanar çıraq”, “Balıqqulaqları”, “Xalq şənliyi”, “Bir ağacın əfsanəsi”, “Çərçivədə çiçəklər”, “Parçaların əlvan şıltaqlığı”, “Qarabağ xalçası” və digər pyesləri Bakı Musiqi Akademiyasının professorları Ülviyyə Hacıbəyova və Fəridə Əhmədbəyovanın ifasında səsləndirilib. Sonda Adilə Yusifova tədbirin təşkilatçılarına və iştirakçılarına minnətdarlığını bildirib, yeni toplusunu imzası ilə musiqisevərlərə təqdim edib.

S.ABDULLAYEVA

30.11.2013

çap et