Daxili İşlər Nazirliyi Zaqatala rayonunda noyabrın 24-də 3 nəfərin qətlə yetirilməsi və 1 nəfərin xəsarət alması ilə nəticələnən cinayət işində şübhəli bilinərək saxlanılan Bədəlov Raqib Rasim oğlu ilə bağlı yeni məlumat yayıb.
525.az DİN-in saytına istinadən xəbər verir ki, Baş Mütəşəkkil Cinayətkarlıqla Mübarizə İdarəsi əməkdaşlarının keçirdikləri əməliyyat-axtarış tədbirləri nəticəsində saxlanılan Raqib Bədəlovun Azərbaycan Respublikası Cinayət Məcəlləsinin 120 (qəsdən adam öldürmə), 29.120 (qəsdən adam öldürməyə cəhd), 221 (xuliqanlıq) və 228-ci (Qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddələri ilə ittiham olunduğu açıqlanıb.
çap et