İndiyədək 300-dək tibb işçisi koronavirusa yoluxub, bir həkim vəfat edib

İndiyədək Azərbaycanda 300-ə yaxın tibb işçisi koronavirusa yoluxub.

APA-nın məlumatına görə, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında Səhiyyə nazirinin müavini Viktor Qasımov bildirib.

V. Qasımov deyib ki, onlardan 65 faizi sağalıb: “Onların arasında həkimlər və tibb işçiləri var. Lakin bu o demək deyil ki, onların hamısı tibb müəssisələrində virusa yoluxub. Bununla belə, bəzi tibb müəssisələrində də tibb işçilərinin yoluxması halı baş verib. Təəssüf ki, bir həkim dünyasını dəyişib".