Yeni növ koronavirus (COVID-19) infeksiyasının yayılma sürətinin azaldılması, habelə onun törədə biləcəyi fəsadların minimuma endirilməsi məqsədilə xüsusi karantin rejiminin sərtləşdirilməsini təmin etmək üçün Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində 21 iyun saat 00:00-dan 5 iyul saat 06:00-dək bir sıra sahələr üzrə məhdudiyyətlər tətbiq ediləcək.
Trend-in məlumatına görə, bu barədə Nazirlər Kabinetinin qərarında deyilir.
Belə ki, aşağıdakı xidmət sahələrinin fəaliyyətində məhdudiyyətlər olacaq:
1. Nəzdindəki ərzaq mağazaları və apteklər istisna olmaqla, iri ticarət mərkəzlərinin fəaliyyəti;
1.1.2. ictimai iaşə obyektlərində müştərilərə yerində xidmətlər;
1.1.3. muzey və sərgi zallarının fəaliyyəti;
1.1.4. bərbərxanaların, gözəllik salonlarının fəaliyyəti və kosmetik xidmətlər (o cümlədən, bu sahələrdə müştərinin evində və ya digər məkanda xidmət);
1.1.5. təhsil müəssisələrinin fəaliyyəti (onlayn imtahan, müsabiqə və müsahibələr istisna olmaqla);
1.1.6. açıq havada idman yarışlarının və oyunlarının keçirilməsi.
çap et