Nazirlər Kabineti “Azərbaycan dilinin Orfoqrafiya Normaları”nı təsdiq edib.
AZƏRTAC xəbər verir ki, Baş naziri Novruz Məmmədovun Azərbaycan Respublikasının Dövlət Dil Komissiyası ilə razılaşdırmaqla imzaladığı qərara əsasən, “Orfoqrafiya Normaları”na bir sıra dəyişikliklər edilib.
Məsələn, yeni dəyişikliklərə əsasən, Azərbaycan Respublikasının Səhiyyə naziri, Azərbaycan Respublikasının Kənd Təsərrüfatı naziri tipli mürəkkəb adlarda sahə bildirən söz (Səhiyyə) böyük, vəzifə bildirən söz (nazir) kiçik hərflə yazılacaq.
Son dəyişikliklərlə yüksək dövlət vəzifələri bu qaydada yazılmalıdır: Azərbaycan Respublikasının Prezidenti, Azərbaycan Respublikasının Baş Naziri, Azərbaycan Respublikası Milli Məclisinin Sədri.
“Azərbaycan dilinin Orfoqrafiya Normaları” ilə tam şəkildə buradan tanış ola bilərsiniz.
çap et