525.Az

"DokuBaku" festivalında 36 film nümayiş olunacaq


 

"DokuBaku" festivalında 36 film nümayiş olunacaq<b style="color:red"></b>

"DokuBaku" dünyanın sənədli film yaradıcılarını Azərbaycanda toplayan müstəqil beynəlxalq sənədli film festivalıdır.

525.az xəbər verir ki, bu il 4-cü "DokuBaku" Beynəlxalq Sənədli Film Festivalı "Dəyişikliklər" mövzusu altında onlayn formatda gerçəkləşəcək.

Noyabrın 30-da başlayan festivala dekabrın 6-da yekun vurulacaq. Bir həftə ərzində dafilms.com beynəlxalq onlayn festival platforması vasitəsilə 4 kateqoriyada 36 film nümayiş olunacaq. Hər kəs platformada qeydiyyatdan keçərək günün istənilən saatı filmləri ödənişsiz izləyə biləcək. Festivalın icraçı direktoru - sənədli filmlər rejissoru Oktay Namazov bildirib ki, Azərbaycanca və ingiliscə altyazı ilə nümayiş sənədli filmləri izləyiciyə daha əlçatan edir.

Bu il festival 53 ölkədən 250-dən çox film qəbul edib. Onların içərisindən seçilən xarici tammetrajlı, qısametrajlı, eləcə də yerli filmlər auditoriyaya təqdim olunacaq. Sonda beynəlxalq və yerli mütəxəssislərdən ibarət münsiflər heyəti ümumilikdə 4 kateqoriyada qalibi seçəcək: ən yaxşı tammetrajlı sənədli film; ən yaxşı beynəlxalq qısa və yerli sənədli filmlər; "X kateqoriyası".

 





02.12.2020    çap et  çap et