Naxçıvan MR-nın gələn il üçün büdcə gəlirləri və xərcləri məlum oldu

Naxçıvan Muxtar Respublikasının (MR) gələn il üçün büdcə gəlirləri və xərcləri məlum olub.

525.az-ın məlumatına görə, bu, Milli Məclisə təqdim edilən “Azərbaycan Respublikasının 2021-ci il dövlət büdcəsi haqqında” qanun layihəsində əksini tapıb.

İcmal büdcənin tərkib hissəsi olan Naxçıvan Muxtar Respublikasının büdcəsinin gəlir və xərcləri bərabər olaraq 506,5 milyon manat proqnozlaşdırılır. Bu da 2020-ci illə müqayisədə 22,7 milyon manat və ya 4,7 faiz çoxdur.