Əfqanıstan İSAF missiyasının müddəti bitdikdən sonra da sabitliyin bərpasında Azərbaycanın kömək edəcəyinə ümid bəsləyir.
APA-nın məlumatına görə, bunu Əfqanıstanın Müdafiə Nazirliyinin ümumi hərbi siyasət və insan resurları şöbəsinin müdiri Mohd Qasem Vardak bəyan edib.
O qeyd edib ki, Azərbaycan Əfqanıstan üçün dost və qardaş ölkədir.
“Biz ölkənizin inkişaf templərinə görə sevinirik”, - deyə M.Vardak vurğulayıb.
M.Vardakın sözlərinə görə, Azərbaycanla Əfqanıstan oxşar problemlərlə qarşılaşıb: “Müstəqillik əldə etdikdən sonra Azərbaycan çətinliklərlə qarşılaşıb və onları dəf edib. Biz ümid edirik ki, Azərbaycan eyni problemlərlə üzləşən Əfqanıstana yardım edəcək. Ümid edirik ki, Azərbaycan 2014-cü ildən sonra da Əfqanıstanda fəaliyyət göstərəcək”.
çap et