525.Az

Bəzi rayonlarda qar yağacaq


 

Bəzi rayonlarda qar yağacaq<b style="color:red"></b>  Martın 7-də Bakı və Abşeron yarımadasında buludlu hava şəraitinin üstünlük təşkil edəcəyi, arabir yağıntılı olacağı gözlənilir.
 
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova APA-ya açıqlamasında bildirib ki, şimal küləyi əsəcək, arabir güclənəcək. Havanın temperaturunun gecə 5-8, günün birinci yarısında 10-14 dərəcə isti, axşama doğru 5 dərəcəyə yaxın isti olacağı gözlənilir.
 
Azərbaycanın rayonlarında martın 7-də hava şəraitinin arabir yağıntılı olacağı, dağlıq və dağətəyi rayonlarda qar yağacağı gözlənilir. Arabir güclənən qərb küləyi əsəcək. Havanın temperaturu gecə 3-8, gündüz 12-17 dərəcə isti, dağlarda gecə və gündüz 3-6 dərəcə isti olacaq, axşam 0 dərəcəyədək enəcək.
 
Tibbi meteoroloji proqnoza gəlincə, martın 7-də və 8-də Abşeron yarımadasında güclü xəzri küləyi və temperaturun əvvəlki günlə müqayisədə aşağı enməsi meteohəssas insanlar üçün diskomfort hissi yaratsa da, sonrakı 2 gün ərzində sabit hava şəraiti fonunda mülayim yaz havası əlverişli olacaq.
 




06.03.2014    çap et  çap et