“Nazirlə dünən danışmışam”.
525.az APA-ya istinadən xəbər verir ki, bunu Gənclər və İdman nazirinin müavini İsmayıl İsmayılov deyib.
Qurum rəsmisi hazırda ABŞ-da müalicə olunan nazir Azad Rəhimovun səhhəti ilə bağlı danışıb:
“Səhhəti yaxşıdır. Heç bir problemi yoxdur. İnşallah, yaxın günlərdə yəqin ki, Bakıya dönəcək”.
Qeyd edək ki, 5 Mart "Bədən Tərbiyəsi və İdman günü" ilə bağlı nazirliyin kollektivi və idman ictimaiyyətinin nümayəndələri Fəxri və Şəhidlər Xiyabanını ziyarət ediblər.