525.Az

Zakir Həsənov türkiyəli həmkarına başsağlığı verib


 

Zakir Həsənov türkiyəli həmkarına başsağlığı verib<b style="color:red"></b>

Azərbaycanın müdafiə naziri general-polkovnik Zakir Həsənov Türkiyənin milli müdafiə naziri Hulusi Akara və Baş qərargah rəisi ordu generalı Yaşar Gülerə başsağlığı ünvanlayıb.

525.az xəbər verir ki, bu barədə məlumatı Müdafiə Nazirliyi yayıb.

Başsağlığında deyilir:

"Qardaş Türkiyə Quru Quşunlarına məxsus hərbi helikopterin Bitlisdə qəzaya uğraması nəticəsində yüksək rütbəli hərbi qulluqçuların, xüsusilə də Elazığ 8-ci ordu korpusunun komandiri korpus generalı Osman Erbaşın həlak olması və hərbçilərin yaralanması, Şırnak bölgəsində isə hərbi avtomaşının aşması nəticəsində on bir hərbi qulluqçunun xəsarət alması haqqında xəbər məni dərindən kədərləndirdi.

Sizin acınız bizim də acımızdır.

Şəhid olanlara rəhmət diləyir, onların yaxınlarının dərdlərinə şərik olur, ailələrinə dərin hüznlə başsağlığı verirəm. Bütün yaralılara Tanrıdan şəfa diləyirəm.

Allah rəhmət eləsin".

 





05.03.2021    çap et  çap et