Türkiyənin yeni səfiri vəzifəsinə nə vaxt başlayacaq?

Türkiyənin Azərbaycana yeni təyin olunmuş səfiri 10-15 gün ərzində vəzifəsinin icrasına başlayacaq.

525.az xəbər verir ki, bu barədə APA-ya açıqlamasında Türkiyənin Azərbaycandakı səfiri Erkan Özoral deyib.

E. Özoral bildirib ki, qısa zamanda Cahit Bağçı vəzifəsinin icrasına başlayacaq:

“Mən 10-15 gün içində buradan ayrıldıqdan sonra yeni dəfir gələcək. Yaxın günlərdə dəqiq tarix bəlli olacaq”.

E. Özoral bundan sonra fəaliyyətinə hansı istiqamətdə davam edəcəyi ilə bağlı isə bildirib ki, bu, Ankaraya qayıdandan sonra məlum olacaq.