Rus nazir Heydər Əliyevin məzarı və Şəhidlər xiyabanını ziyarət edib

Rusiyanın səhiyyə naziri Mixail Muraşkonun Azərbaycana səfəri başlayıb.

525.az APA-ya istinadən xəbər verir ki, rusiyalı nazir Azərbaycanın səhiyyə naziri vəzifəsini icra edən Teymur Musayevlə birlikdə Fəxri xiyabanı ziyarət edib, Ümummilli Lider Heydər Əliyevin məzarı önünə əklil qoyub, ehtiramını bildirib.

M. Muraşko akademik Zərifə Əliyevanın da məzarına gül dəstələri düzüb.

Daha sonra rusiyalı nazir Şəhidlər xiyabanını ziyarət edib.

M. Muraşko səfər zamanı Bakıda bir sıra görüşlər keçirəcək.

İki ölkə arasında səhiyyə sahəsində əməkdaşlığa dair sənəd imzalanması da nəzərdə tutulur.