Deyir, əvvəl bu telefonlar
yox idi deyə, televizora baxırdılar...
***
Aydın olmayan nəsə var ki?!
***
Futbol milli komandamızın baş məşqçisi özümüzdən olmalıdır. Udarıq, ya uduzarıq - fərq etməz.
Yenə bilərik ki, özümüzük.
***
Bir yanlış addımı adam haqqında təəssürat yaradır. Sonra on düz addım bu pis təəssüratı zorla silib aparır.
***
Görən hər zaman görür...
***
Bəzən əndazəni aşan inadkarlığın, hətta üzlülüyün də jurnalistin işinə yaradığı məqamlar olur. Amma savad, məlumatlılıq, iti və dəqiq müşahidə qabiliyyəti, intuisiya, təhlil etmə, nəticə çıxarma bacarığı... kimi bir çox zəruri keyfiyyətlərdən xali olan jurnalistin boşuna inadkarlığı əvvəl-axır mütləq həyasızlıq təsiri bağışlayacaq.
Dilin var, lap yaxşı! Amma o dilin üstündə dilçəyin də yoxdusa, ta heç zad...
***
Hərdən yuxuda elə adamı görürsən ki, izahı heç cür mümkün olmur.
***
Bəzən böyük bir məqalə bir cümləyə görə yazılır...
***
Təkərlərinin səsindən bilinir ki, qatar uzağa gedəcək.
***
O qədər mənasız adamlar pul qazanıb ki, heyrət edirsən.
Əsl tapmacadır - bu qədər var-dövləti hansı qabiliyyətin sayəsində əldə edib?!
***
Bəzək-düzək yaxşıdır, amma altında qiymətli nəsə olanda...
***
Bu templə yaxın vaxtlarda hamı Şuşanı görə biləcək. Gileylənən qalmayacaq.
***
"Kapital"ı Xəttab yazıbmış?..
Mahir Xəttabı feysbukdan, qiyabi tanıyıram. Hərdən üsyankar, çılğın statusları rastıma çıxır.
Sentyabrın 8-də əvvəlcə öz saytında Ramiz Göyüşovun məlum videosunun yayıldığını böyük hay-küylə xəbər verdi və onun ünvanına təhqir sayılacaq kəskin ifadələr işlətdi. Çox keçmədi, cəmi bir-iki saatdan sonra bu statusu silib mövqeyini 180 dərəcə dəyişərək əks fikirlər paylaşdı, "Ramiz bəyin" şantaja uğradığını deyib onun müdafiəsinə qalxdı, əvvəlki fikirlərinin səhv olduğunu bildirdi. Həm də Göyüşovu ifrat dərəcədə , "barıtı çox" müdafiə elədi, onun məsum obrazını yaratdı. Bəlkə də, Göyüşov ömründə heç belə müdafiə görməmişdi...
Bu müdafiə statusları onun səhifəsində indi də durur.
Qısa vaxt aralığında Mahir Xəttabın bir-birinə zidd belə fərqli fikirlər söyləməsi feysbuk istifadəçilərinin də diqqətindən qaçmadı, mövqeyini dəyişməsi izləyicilərin tənqidinə, tənə və qınağına tuş gəldi. Xoruzun quyruğu açıq-aşkar görünürdü.
Bunların ardınca Xəttabın Göyüşovdan 2000 manat aldığına görə həbs edilməsi xəbəri yayıldı və Göyüşovun üstünə gedənlərin səsi kəsildi; elə bil, qurbağa gölünə daş atdılar. Xəttabı müdafiə edən az-çox həmkarları da yoxa çıxdılar.
Beləcə, bu şantaj videosunun qurbanı Xəttab oldu. Bəlkə, istintaq videonu hazırlayan və yayan şəbəkəylə onun əlaqəsini, yaxud başqa hanısısa məqamları da üzə çıxaracaq, deyə bilmərəm, amma bu hadisə həm də reket sayt rəhbərlərinə, bəzi jurnalistlərə görk idi.
Belə çıxır ki, hamı sakitləşdi, hər şey unuduldu, bircə Xəttab öz sadəlövhlüyünün güdazına getdi.
Müəmmalı məqamlardan biri də Göyüşovun davranışları oldu. Əgər Xəttab təhqiri silib, səhv etdiyini boynuna alıb, Göyüşovun alovlu müdafiəçisinə çevrilmişdisə, bunlardan sonra ona rüşvət verməyin, onu tutdurmağın mənası nəydi ki? Təzədən təhqirə başlamayacaqdı ki?
Telefonu söndür, qısıl abrına, otur yerində də...
Vəziyyət bu həddə ki çatmışdı, belə prinsipial mövqeni Göyüşov gərək o videonu çəkənlərə, onu yayanlara və bir az da özünə qarşı göstərəydi.
***
Hikmət Sabiroğlu getdimi Şuşaya?
***
Niyə özünüzü dartırsınız ki?)
***
Könül bulandıranlar həmişə olacaq.
***
"Şərq" qəzetinin yeni rəngli dizaynı və fərqli formatı ləzzət elədi. Məhdud imkanlarla, əməkdaşlarının zəhməti və zövqüylə belə nümunə ortaya qoymaq fədakarlıqdır. Əziz dostum Akif Aşırlını və zəhməti olan bütün əməkdaşları təbrik edirəm.
***
Qəzet vərəqləmək üçündür, o da yanında spirt olanda.
Barmaqlarına çıxan rəngi yumağa...
***
Siqaret çəkən tanışlarınızdan heç koronaya tutulan olub?
***
Sizin səsinizi votsapda 2x-lə dinlədim...
***
Harınlıq ikrah doğurur...
***
Milli Musiqi Günü ilə Neftçilər Gününün ard-arda gəlməsi təsadüf olsa da, dərin anlamı var.
Həm də düşünməyə sövq edir.
Həqiqət ikisinin vəhdətindədir.
***
Səksəninci illərdə Dünya daha romantik idi, yoxsa biz gənc idik?..
***
Məmurların özləri, ya köməkçiləri vəzifə borcu sayılan, görməli olduqları hər adi işi sosial şəbəkədə "bəh-bəh"lə paylaşırlar. İşdən çox onun reklamı gözə girir.
***
Gündə iki xurma bəs edir?..
***
Feministlərin gözündən uzaq!
Belə yerlər də var: "Kişilər klubu"
***
Hər şey nə qədər aydındır!..
***
Telefonlar hamını bir-birindən aldı.
***
Niyə SOCAR-da çalışan bəzi işçilər alimlərdən, müəllimlərdən, hətta icra başçıları və nazirlərdən çox əməkhaqqı almalıdırlar ki?
***
Bakıda neçə ildir funikulyor var, siz hələ minməmisiz?..
***
Qarabağın dirçəlişinə dəstək ol!
Pay ver, payın olsun!
"Qarabağ üçün ianə et"dənsə, bu və buna oxşar şüarlar daha effektiv olardı.
İanə bizim düşüncədə mərhəmət, rəhm kimi təsirlər oyadır.
Burada isə rəhm yox, daha coşqu doğuran keyfiyyət qabardılmalıdır.
***
Ziğa düşdünsə, heç zad...
***
Bir il öncə - həyəcan və nigarançılıq dolu günlərdə əllərimiz ürəyimizin üstündə əsgərlərimizə dua edəndə həm də Allahdan havaların soyumamasını arzulayırdıq.
İndi dünənki yağışa, bugünkü tutqun, soyuq havaya baxanda ötən ilin payızını, müqəddəs 44 günü yada salır və əmin olursan ki, keçən il haqq savaşımızda Allahın lütfü də xalqımızın, əsgərlərimizin üstündə olub.
Heç vaxt əskilməsin!
***
Hər yan tıxac...
***
Jurnalist bir yaxşı yazıyla da yadda qalır.
***
"Qarabağ" çox güclüdür. Heç vaxt bizim bu səviyyədə komandamız olmayıb.
***
Nahar yerinə şeir.
Arzulayan gəlsin...
***
Bir il öncə, 4 oktyabrda Ali Baş Komandan Cəbrayılın işğaldan azad olunmasını elan etdi, Şuşanı "müqəddəs şəhərimiz" adlandırdı.
Həmin günün qüruru, aşıb-daşan sevinci, xoşbəxt göz yaşları heç zaman unudulmayacaq:
"İnsanlar təbrik üçün bir-birinə zəng vurur, sevincdən danışa bilmirlər. Telefonun hər iki başında sevinc hıçqırıqları eşidilir. Qələbə müjdəsini göz yaşıyla, hıçqırıqlarla, söz demədən bölüşmək...
Bu duyğuları yaşadanlar var olsun!"
***
Yazıçı-dramaturq Firuz Mustafa bir müddət əvvəl Mövlud Süleymanlının 1970-ci ildə nəşr olunan, avtoqraflı kitabını mənə verərək xahiş etmişdi ki, Mövlud müəllim Azərbaycan Yazıçılar Birliyinə gələndə ona çatdırım, müəllif üçün nostalji və sürpriz olacaq.
Bu gün Xalq yazıçısı AYB-yə gəlmişdi, 51 il öncə çıxan ilk kitabını ona çatdırdım və anı əbədiləşdirdik.
***
4 saat sosial şəbəkələrsiz...
4 saatlıq keçmiş...
4 saat normal ünsiyyət...
çap et