Azərbaycan UEFA reytinqində Polşa və Macarıstanı qabaqlayıb

Avrokubokların qrup mərhələsinin III turundan sonra UEFA reytinqi açıqlanıb.

525.az saytının məlumatına görə, Konfrans Liqasının qrup mərhələsinin III turunda “Kayrat”ı məğlub edən “Qarabağ” Azərbaycanın reytinqinə daha 0,500 xal gətirib.

Bakıdakı 2:1 hesablı qələbədən sonra bu mövsümün qazancı 3,375-ə çatıb. Son 5 ilin nəticələrinin əksini tapdığı reytinq xalımız isə 16,000-dir.

Qurban Qurbanovun yetirmələrinin bu qələbəsindən sonra Azərbaycan reytinqdə Polşa və Macarıstanı geridə qoyaraq iki pillə irəliləyib. Bu irəliləyiş 26-cı yerə yüksəlmək imkanı verib.

Qeyd edək ki, cədvələ İngiltərə başçılıq edir – 92,355.