“Ötən gün Yevlax rayonunda doğuş zamanı baş verən ana və uşaq ölümünün səbəbləri Səhiyyə Nazirliyi tərəfindən araşdırılır”.
Bu barədə APA-ya Səhiyyə Nazirliyinin mətbuat xidmətinin rəhbəri Anar Qədirli məlumat verib.
A. Qədirli bildirib ki, uşaq ölü doğulub: “Uşaqda intranatal ölüm baş verib və əməliyyat nəticəsində qanaxma olub. Elə buna görə də, ananı xilas etmək mümkün olmayıb”.
Qeyd edək ki, 1983-cü il təvəllüdlü Pərvanə Qurbanova Xaldan qəsəbə xəstəxanasında doğuş zamanı dünyasını dəyişib. Doğuş zamanı ana ilə yanaşı, körpə də ölüb. P. Qurbanova Mingəçevir Dövlət Dram Teatrının aktrisası olub.
çap et