Qazaxıstan qarı - İbrahimxəlildən yeni şeir

Bitib ümidimdə saz - qamışlanıb...
...ağrını-acını bilirəm, qazax!
Gəlib matəminə çatdım, bağışla;
mən Sarıqamışdan gəlirəm, qazax!

O vaxtlar donaraq şəhid olmuşdum,
yaramı Ağrıdağ sarıdı, qardaş.
Qars ayazı deyil canımda, vallah,
Alma-Ata yolunun qarıdı, qardaş!

Uçmuşam, eh, buzum açılar deyə...
eh, Ağrıdağ boyda dağ geyinmişəm.
Gəlib matəminə çatdım, bağışla;
bağışla, bircə mən ağ geyinmişəm...

...mən Sarıqamışdan gəlirəm, qazax!

İbrahimxəlil