https://525.az/img/pics/medium/2022-01/214589_kbgd527ugt.jpeg Ziyalı jesti - Göyərçin Kərimi yazır
https://525.az/img/pics/medium/2021-11/207490_jmjctxi6w5.jpg 20 Yanvar: ilhaq üzərində qələbə günü - Səbinə Xasayeva yazır
https://525.az/img/pics/medium/2022-01/214578_hkerg7cl2x.jpg "And"ına sadiq mübarizlik simvolu - Ülvi Bünyadzadə
https://525.az/img/pics/medium/2022-01/214527_oklt34n1jh.jpeg “525-ci qəzet”in 20 yanvar sayında nələr var? - Anons
search
21 Yanvar 2022
20 Yanvar 2022

"Real" Superkubokun yarımfinalında "Barselona"ya qalib gəlib

"Real" Superkubokun yarımfinalında "Barselona"ya qalib gəlib

İspaniya Superkubokunda mübarizəyə start verilib.

525.az saytının məlumatına görə, Səudiyyə Ərəbistanın Ər-Riyad şəhərində təşkil olunan turnirin yarımfinal mərhələsinin ilk oyunu keçirilib.

Həlledici görüşə vəsiqə uğrunda birinci dueldə əzəli rəqiblər “Real”la “Barselona” üz-üzə gəlib. 248-ci “El Klasiko”nun birinci hissəsində komandalar hərəyə bir dəfə fərqlənib. Əvvəlcə Vinisyus Junior hesabı açsa da, 42-ci dəqiqədə Luk de Yonq bərabərlik topunu vurub.

İkinci hissə Xavinin yetirmələrinin üstünlüyü şəraitində keçsə də, yenə “Real” önə keçib. Bu dəfə 72-ci dəqiqədə Kərim Benzema adını tabloya yazdırıb. Buna baxmayaraq, kataloniyalıların növbəti dəfə status-kvoya gücü çatıb. Sonradan meydana daxil olan Ansu Fati hesabı 2:2 edərək, matçın daha 30 dəqiqə uzanmasına şərait yaradıb.

Karlo Ançelottinin kollektivi üçüncü və sonuncu dəfə hesabda önə keçməyi bacarıb. Federiko Valverdenin 98-ci dəqiqədəki qolu qarşılıqsız qalınca, “Real” 3:2 hesablı qələbə qazanaraq, yanvarın 16-da finalda iştirak hüququna yiyələnib.

Beləliklə, “El Klasiko”lar tarixində 100-cü qalibiyyətinə sevinən “Real” əzəli rəqibi önündə ardıcıl qələbə seriyasını 5 matça yüksəldib. Bununla madridlilər Superkuboka ən çox sahib çıxan kataloniyalılarla (13 dəfə) fərqi 1-ə endirmək iddiasını davam etdirir.

Qeyd edək ki, İspaniya Superkubokunda yarımfinal mərhələsinin digər oyunu bu gün keçiriləcək. “Atletiko” ilə “Atletik” arasında görüş Bakı vaxtı ilə 23:00-da başlayacaq.

Bölmənin digər xəbərləri
© 2012-2022 525.AZ Müəllif hüquqları qorunur.
Sayt Mozilla Firefox, Google Chrome, Opera və Internet Explorer ver. 7.x ilə tam dəstəklənir. Məlumatdan
istifadə etdikdə istinad mütləqdir.