525.Az

Ermənistan Silahlı Qüvvələri 2007-2013-cü illərdə cəbhə xəttində atəşkəs rejimini 7673 dəfə pozub


 

Ermənistan Silahlı Qüvvələri 2007-2013-cü illərdə cəbhə xəttində atəşkəs rejimini 7673 dəfə pozub<b style="color:red"></b> Ermənistan Silahlı Qüvvələri tərəfindən 2007-2013-cü illərdə cəbhə xəttində atəşkəs rejimi 7673 dəfə pozulub.
 
APA-nın Azərbaycan Müdafiə Nazirliyinin təsdiq etdiyi məlumatlar əsasında apardığı monitorinqin nəticələrinə görə, son 7 ildə atəşkəs pozuntularının yüksələn dinamikası müşayiət olunmaqdadır.
 
Monitorinqə son 3 ildə, fərqli vaxtlarda cəbhə boyu baş vermiş intensiv döyüşlər daxil edilməyib.
 
APA-nın apardığı monitorinqlərə görə, atəşkəs rejimi 2007-ci ildə 575 dəfə, 2008-ci ildə 1250 dəfə, 2009-cu ildə 700 dəfə, 2010-cu ildə 1100 dəfə, 2011-ci ildə 772 dəfə, 2012-ci ildə 1480 dəfə, 2013-cü ildə isə 1796 dəfə pozulub. Atəşkəs pozuntuları ilə müşayiət olunan döyüşlərin 80%-i Qarabağ cəbhəsinin payına düşüb.
 
Son 7 ildə cəbhə xəttində atəşkəs pozuntuları ilə müşayiət olunan döyüşlərdə və mina partlayışlarından Azərbaycan Silahlı Qüvvələrinin 102 hərbi qulluqçusu şəhid olub, yüzə yaxın hərbçi isə yaralanıb.
 




12.05.2014    çap et  çap et