Bu gün vəkil Nemət Kərimli Müsavat Gənclər Təşkilatının həbsdə olan sədr müavini Nigar Yaqublu ilə görüşüb. N. Kərimlinin APA-ya verdiyi məlumata görə, N. Yaqublunun saxlanma şəraitindən hər hansı şikayəti yoxdur: “Saxlanma şəraiti və səhhəti normaldır. Hər hansı problem yoxdur ”.
N. Kərimli N. Yaqublunun barəsində olan cinayət işi üzrə ittiham aktının hazırlanması prosesinin başa çatdığını da deyib: “Onun cinayət işi üzrə istintaq tam başa çatıb. İttiham aktı müstəntiq tərəfindən hazırlanaraq imzalanması üçün Baş Prokurorluğa göndərilib. İmzalandıqdan sonra cinayət işi baxılması üçün məhkəməyə göndəriləcək” .
Qeyd edək ki, N. Yaqublu sentyabrın 11-də saxlanılıb. Məhkəmə onun barəsində iki aylıq həbs-qətimkan tədbiri seçib. Həbs Müsavat Partiyasının üzvü Aydın Acalovun ölümü ilə nəticələnən avtomobil qəzasının istintaqı ilə bağlıdır.
çap et