“Xurşidbanu Natəvanın poetik dili və Azərbaycan ədəbi dilinin tarixi məsələləri” mövzusunda elmi sessiya keçiriləcək

AMEA Dilçilik İnstitutunda “Xurşidbanu Natəvanın poetik dili və Azərbaycan ədəbi dilinin tarixi məsələləri” mövzusunda elmi sessiya keçiriləcək.

Bu barədə 525.az-a AMEA-dan məlumat verilib. Bildirilib ki, mayın 18-də təşkil ediləcək elmi sessiya Azərbaycan bədii fikrinin görkəmli siması Xurşidbanu Natəvanın 190 illik yubileyinə həsr olunub.

Xatırladaq ki, Prezident İlham Əliyevin “Xurşidbanu Natəvanın 190 illiyinin qeyd edilməsi” haqqında Sərəncamına əsasən, respublikamızda müxtəlif tədbirlər təşkil edilir.