525.Az

Milli Məclisin sədri Qırğızıstana səfərə gedib


 

Milli Məclisin sədri Qırğızıstana səfərə gedib<b style="color:red"></b>

İyunun 23-də Milli Məclisin sədri Sahibə Qafarovanın başçılığı ilə parlament nümayəndə heyəti TÜRK PA-nın XI Plenar sessiyasında iştirak etmək üçün Qırğız Respublikasının Çolpon-Ata şəhərinə səfərə gedib.

525.az-ın məlumatına görə, nümayəndə heyətinin tərkibinə Milli Məclisin komitə sədri Əhliman Əmiraslanov, deputatlardan Hikmət Məmmədov, Məlahət İbrahimqızı, Ağalar Vəliyev, Cavanşir Feyziyev, Nizami Cəfərov, Sədaqət Vəliyeva, parlament Aparatının rəhbəri Fərid Hacıyev və digər rəsmi şəxslər daxildirlər.

İssık-Kul Beynəlxalq Hava Limanında nümayəndə heyətini Joqorku Keneşin sədr müavini Ulan Primov, xarici işlər nazirinin müavini Aybek Moldoqaziyev, Azərbaycanın Qırğızıstandakı səfiri Lətif Qəndilov, TÜRK PA-nın Baş katibi Mehmet Süreyya Er və digər rəsmi şəxslər qarşılayıblar.

Tədbirdə Milli Məclisin sədri çıxış edəcək, sessiyada iştirak edən nümayəndə heyətlərinin rəhbərləri ilə bir sıra görüşlər keçirəcək.

Səfər iyunun 24-də başa çatacaq.

 





23.06.2022    çap et  çap et