https://525.az/img/pics/medium/2022-09/238470_3mjh2o72hb.jpg “525-ci qəzet”in 29 sentyabr sayında nələr var? - ANONS
https://525.az/img/pics/medium/2022-09/238390_hxgxj9lfae.jpg Unudulmaz müəllimim, sevdiyim yazıçı - Flora Xəlilzadə yazır
https://525.az/img/pics/medium/2022-09/238386_zyf63jz3wz.jpg Media Reyestrinin tətbiqi nələri dəyişəcək?
https://525.az/img/pics/medium/2022-09/238206_t411ovh8le.jpg Vətən müharibəsinin xronikası: 28 sentyabr, 2020-ci il
search
28 Sentyabr 2022

Fərid Qayıbov İslamiadadakı idmançılarla görüşüb - Foto

Fərid Qayıbov İslamiadadakı idmançılarla görüşüb - Foto

V İslam Həmrəyliyi Oyunları çərçivəsində Türkiyənin Konya şəhərində səfərdə olan gənclər və idman naziri Fərid Qayıbov bir sıra idman növlərində idmançılarımızın çıxışlarını izləyib, onları tribunadan dəstəkləyib.

525.az-ın məlumatına görə, yarışlardan öncə idmançılarımızla görüşən nazir onlara uğurlar arzulayıb.

Bu gün ağırlıqqaldırma növündə idmançılarımızın yarışlarını zaldan izləyən Fərid Qayıbov, yarış zamanı Türkiyənin KonTv telekanalına müsaibə verərək Azərbaycan idmançılarının çıxışları və Oyunlar təşkili barədə fikirlərini bölüşüb.

Nazir 23 yaşadək futbolçulardan ibarət Azərbaycan milli komandasının Mərakeş yığması ilə oyunundan əvvəl milli komanda üzvləri ilə görüşüb, futbolçularımıza uğurlar arzulayıb.

Həmçinin güləşçilərimizin mübarizəsini izləyən Fərid Qayıbov Oyunların 82 kq çəki dərəcəsində qaliblərin mükafatlandırılması mərasimində iştirak edib və Rafiq Hüseynova qızıl medalı təqdim edib.

Qeyd edək ki, nazir Fərid Qayıbov, nazir müavini Mariana Vasileva, Milli Olimpiya Komitəsinin vitse-prezidenti Çingiz Hüseynzadə, baş katibi Azər Əliyev, Azərbaycan nümayəndə heyətinin rəhbəri Elnur Məmmədov və Milli Məclisin üzvü Kamal Cəfərov bundan öncəki günlərdə də müxtəlif növlərdə idmançlarımızın yarışlarını izləyib, onlara dəstək olublar.

Bölmənin digər xəbərləri
© 2012-2022 525.AZ Müəllif hüquqları qorunur.
Sayt Mozilla Firefox, Google Chrome, Opera və Internet Explorer ver. 7.x ilə tam dəstəklənir. Məlumatdan
istifadə etdikdə istinad mütləqdir.