525.Az
“Xəzər dənizi potensial gücə malik zəlzələ ocaqlarından ibarətdir”
“Xəzər dənizi potensial gücə malik zəlzələ ocaqlarından ibarətdir”.
Lent.az-ın məlumatına görə, bunu Respublika Seysmoloji Xidmət Mərkəzinin direktoru Qurban Yetirmişli jurnalistlərə açıqlamasında bildirib. O qeyd edib ki, Bakıda zəlzələ təhlükəsi Xəzər dənizindəki zəlzələ ocaqlarından yaranır: “Orada həmişə proses gedir. Xəzərdə zəlzələ olacaqlar var. Amma Abşeronda zəlzələ ocağı yoxdur”.
Q. Yetirmişlinin sözlərinə görə, 2004-2012-ci illər ərzində ən güclü zəlzələlər 2012-ci ildə baş verib: “Qeyd olunan ildə Azərbaycanda maqnitudası 4-dən çox olan 4 yeraltı təkan qeydə alınıb. Qeyd olunan il ən böyük zəlzələ Zaqatalada baş verib. Orada dağıntılar da çox olmuşdu”.
O qeyd edib ki, 2013-cü ildə də yeraltı təkanlar çox olub.
10.06.2014 
çap et